Vaksinë ose tampon/ Disa shtete evropiane rikthejnë kufizimet në lëvizje

Pinterest LinkedIn Tumblr +
Vaksinë ose tampon/ Disa shtete evropiane rikthejnë kufizimet në lëvizje

Vala e re e infektimeve në disa shtete të Europës është reflektuar menjëherë në aplikimin e masave shtrënguese në lëvizjen e lirë.

 

Nga kjo javë, Franca dhe Zvicra kanë vendosur që të pranojnë vetëm qytetarët e vaksinuar, me vaksina të miratura dhe certifikuara nga agjencia e barnave europiane. Kushti i dytë është ai i kryerjes së një tamponi 48 orë para fluturimit.

 

Advertisement

Gjatë muajit qershor, të dy këto vende i hoqën kufizimet duke pranuar çdo qytetar edhe nëse nuk ishte i vaksinuar apo pa patur si kusht paraqitjen e nje rezultati testi.

 

Vaksinat që njihen nga këto dy shtete janë Pfizer, Moderna, Astrazeneca dhe Jonson &Jonson.

 

Advertisement

E njëjta situatë vlen edhe për ata që do të duan të hyjnë në Spanjë. Edhe ky shtet, ka rikthyer si kusht për lëvizjen, vaksinimin ose testin paraprak. Për udhëtimet drejt Spanjës është i nevojshëm tashmë edhe plotësimi i një formulary, i cili është i detyrueshëm.

 

Deri më tani, të vetmet shtete ku lëvizet pa kushte janë Austria, Hollanda dhe Belgjika. Të gjitha vendet e tjera kërkojnë tampon ose vaksinë. Edhe në dy shtetet me të cilat Shqipëria ka më shumë lëvizje siç janë Italia dhe Greqia masat mbeten ende në fuqi.

 

Advertisement

Italia është i vetmi vend që ende nuk lejon kalimin e kufirit për turizëm. Ndërsa, Greqia kërkon tampon ose vaksinë për udhëtimet ajrore, si dhe plotësimin e formularit.

Share.

Comments are closed.

Copyright © 2023 Struga.info | Privacy policy