Rusia është një nga vendet që po e përballon më keq valën e re të goditjes nga pandemia e koronavirusit dhe këtë e tregojnë të dhënat e fataliteteve.
Sipas agjencisë së statistikave, më shumë se 44 mijë persona kanë humbur jetën në Rusi vetëm gjatë muajit shtator, duke shënuar një nga bilancet më negative që nga nisja e kësaj pandemie.
Shifra e publikuar të premten e çon në rreth 462,000 numrin e viktimave nga koronavirusi në Rusi, duke e bërë më të lartin në Europë.
Megjithatë shumë kritikë të Kremlinit besojnë se numri i viktimave mund të jetë shumë herë më i lartë pasi sipas tyre autoritetet numërojnë vetëm viktimat ku koronavirusi konstatohet si shkak kryesor i vdekjes, pas ekzaminimit mjekësor.
Aktualisht, Rusia ndodhet prej disa ditësh në një izolim total, ku gjithçka është mbyllur për të ndërprerë zinxhirin e infektimeve. Vetëm dyqanet me shërbime esenciale, të tilla si ushqimoret dhe farmacitë, lejohen të punojnë.
