Një vajzë e re, e cilësuar si “E bukura e Bagdadit” është vrarë brutalisht me thikë nga tre burra.
Mediat e huaja raportojnë se Nourzan Al-Shammari ishte duke u kthyer nga puna në këmbë kur u sulmua nga agresorët. Ajo kishte refuzuar të martohej me kushëririn e saj, ndërsa mediat vendase aludojnë se e reja është vrarë nga familjarët, pas refuzimit të kërkesës së tyre.
Aktivistë të shumtë kanë nisur protestat dhe kanë dënuar aktin e rëndë. Deri më tani, policia ka arrestuar vëllanë e Nourzan, i cilësuar si i dyshuari kryesor për vrasjen dhe ka shpallur në kërkim 2 kushërinjtë e saj.
Nourzan ishte martuar edhe njëherë tjetër kur ishte 13-vjeçe. Edhe asokohe ajo nuk dëshironte të martohej, por vullneti i prindërve ishte i kundërt dhe ceremonia u zhvillua.
