Zelensky bisedon me Scholzin për të burgosurit e luftës

Pinterest LinkedIn Tumblr +
Zelensky bisedon me Scholzin për të burgosurit e luftës

Presidenti ukrainas, Volodymyr Zelensky, tha se ka biseduar me kancelarin gjerman, Olaf Scholz, për shqetësimet lidhur me trajtimin e të burgosurve të luftës nga Rusia.

 

“Diskutova për rritjen e mbështetjes së mbrojtjes për Ukrainën dhe për t’u siguruar për sigurinë globale të ushqimit. Ngrita çështjen e respektimit të ligjeve ndërkombëtare të Rusisë në trajtimin e të burgosurve të luftës. Theksova rëndësinë për vendimet për integrimin e Ukrainës në Bashkimin Evropian”, tha Zelensky përmes një postimi në Twitter më 8 qershor.

 

Advertisement

Zelensky nuk dha më shumë detaje për këtë bisedë telefonike.

 

Media shtetërore ruse TASS raportoi më 7 qershor se mbi 1,000 ushtarë ukrainas, të cilët janë dorëzuar në qytetin-port të Mariupolit, tani po mbahen në territorin rus dhe po hetohen.

 

Advertisement

Qëkur Rusia nisi pushtimin e Ukrainës më 24 shkurt, Rusia ka bllokuar portet ukrainase, duke penguar që të eksportohen mijëra tonë drithë nga Ukraina, një prej prodhuesve më të mëdha në botë të drithit. Zyrtarët ukrainas e kanë akuzuar Rusinë se po vjedh stoqe me drithëra nga Ukraina dhe po i dërgon në Rusi.

 

Ministri i Jashtëm rus, Sergei Lavrov, po qëndron në Turqi në bisedime për zhbllokimin e eksporteve e drithërave nga Ukraina.

Advertisement
Share.

Comments are closed.

Copyright © 2023 Struga.info | Privacy policy