Më shumë se tetë milionë rusë kanë hedhur votën e tyre online në këto zgjedhje presidenciale, sipas një zyrtari të komisionit zgjedhor.
Kjo është hera e parë që votimi elektronik është përdorur në një votim presidencial rus dhe një nga ata që mori pjesë ishte Vladimir Putin, i cili u filmua duke votuar me një “klik” të vetëm në ekran të premten.
Kreu i grupit të pavarur të monitorimit Golos (Zëri) tha më herët se përdorimi i votimit elektronik i bëri zgjedhjet edhe më pak të hapura ndaj shqyrtimit publik.
Sistemi u përdor në zgjedhjet parlamentare tre vjet më parë në shtatë rajone dhe kandidatët e opozitës në atë kohë thanë se i privoi ata nga fitorja./vizionplus.tv/
Advertisement
