Ministria e Punëve të Brendshme njoftoi se pas një kontrolli në Strumicë janë gjetur heroinë dhe kokainë, ndërsa katër persona janë arrestuar për shitje dhe përdorim droge.
“Dje në ora 21:30 në Strumicë, zyrtarë policorë nga SPB Strumicë kanë privuar nga liria G.P.(41) nga Strumica dhe 39-vjeçarin I.C. nga fshati Kuklish i Strumicës. Gjatë një ekzaminimi me ta, në G.P u gjet dhe u sekuestrua heroina. Pas marrjes së masave dhe aktiviteteve, u kuptua se G.P drogën e ka blerë nga A.T.(38) nga Gjevgjelia”, thonë nga MPB.
Sipas informacioneve të MPB-së, është kryer kontroll në banesën e A.T.
“Gjatë kontrollit u gjetën dhe u konfiskuan heroinë, kokainë, një peshore dixhitale dhe sende të tjera me mbetje droge. Gjithashtu, gjatë kontrollit në banesë është gjetur edhe T.T (40) nga Gjevgjelia, i cili ka ardhur për të përdorur drogë. Pas konsultimit me prokurorin publik, të dyve u është hequr liria dhe janë ndaluar në komisariat. Pas dokumentimit të plotë të rastit, ndaj personave do të ngrihen kallëzime përkatëse”, njoftoi MPB.
Bastisje në Strumicë, arrestohen katër persona për posedim të lëndëve narkotike shkruan Telegrafi.