Buçkovski: Shkup dhe Sofja duhet t’i japin më shumë mundësi komisioneve të përbashkëta

Pinterest LinkedIn Tumblr +

Shkupi dhe Sofja duhet t’i japin komisionit të përbashkët më shumë mundësi për të zgjidhur çështjet e pazgjidhura. Unë mbështes tezën që nëse Bullgaria, nëse përdor fuqinë e vetos, humbet shansin historik për t’u provuar të gjithë atyre që i kanë tjetërsuar të dy popujt për 60 vitet e fundit, se lidhjet tona janë të pathyeshme. Kjo u deklarua nga ish-Kryeministri Vllado Buçkovski për televizionin bullgar “Tv Evropa”.

I pyetur në lidhje me pikëpamjet e djeshme të shprehura nga ambasadori bullgar Angel Angelov dhe më pas nga Ministrja e Jashtme Ekaterina Zakharieva se Bullgaria nuk do të ndryshojë pozicionin e saj nga Memorandumi sqarues i paraqitur në BE dhe Deklarata e miratuar vitin e kaluar në Kuvend, Buçkovski tha se ishin befasi e pakëndshme pikëpamjet e shprehura dje.

“Personalisht, jam befasuar në mënyrë të pakëndshme. Isha mesatarisht optimist se pas takimit të ministrave Osmani dhe Zakharieva dhjetë ditë më parë në Sofje dhe formimit të grupeve të punës për të gjetur zgjidhje përpara takimit të kryeministrave Zaev dhe Borissov, nuk prisja që në opinion të bëhen deklarata të tilla si dje”, tha Buçkovski.

Sipas tij, e gjithë situata është komplekse dhe ai shprehu keqardhje që për shkak të Deklaratës së miratuar në tetorin e kaluar në Parlamentin bullgar, si dhe zgjedhjeve në vend dhe pandemisë, një vit i tërë u humb për të lëvizur pozicionet dhe kjo nuk duhet të jetë një justifikim./Telegrafi/

Advertisement

Buçkovski: Shkup dhe Sofja duhet t’i japin më shumë mundësi komisioneve të përbashkëta shkruan Telegrafi.

Share.

Comments are closed.

Copyright © 2023 Struga.info | Privacy policy