Gjykata Penale e Shkupit ka shqiptuar aktgjykimin për herë të dytë për rastin “Erasmus”.
I akuzuari Bobek Shuklev u dënua me 4 vjet e gjashtë muaj burg për “marrje ryshfet”, Sllave Ristevski për dy vepra penale “marrje ryshfet” u dënua me katër vjet burg, Dragan Denkovski për tre vepra penale “marrje ryshfet” u dënua me dënim me dy vite burg me kusht, nëse në pesë vitet e ardhshme nuk kryen vepër tjetër penale.
Gjykata, të akuzuarve Bobek Shuklev dhe Sllave Ristevski ua ndaloi kryerjen e profesionit të profesorit për pesë vite.
Shuklevit i janë marrë edhe bankënota.
Ndryshe, ky është gjykimi i dytë për rastin “Erasmus”, pasi në qershor të vitit 2021, rasti ra në Apel, kur u vërtetua vetëm lirimi për profesorin Stojan Debarliev.
Apeli e ktheu në rigjykim lëndën “Erasmus” dhe nuk konfirmoi dënimet me burg për profesorët e Fakultetit Ekonomik të shqiptuara më parë nga Gjykata Penale.
Tre profesorët Bobek Shuklev, Dragi Janev, Sllave Ristevski dhe demonstruesi Dragan Denkovski u ndoqën penalisht për marrje ryshfeti nga studentët për shkrimin e notave të mesme. Me rastin e shqiptimit të dënimit, për profesorët Shuklev dhe Janev, gjyqtari po ashtu tha se është vërtetuar se ata kanë kërkuar edhe shërbime seksuale nga studentet./Telegrafi/
The post Burg për profesorët Shuklev dhe Ristevski, kanë kërkuar para dhe shërbime seksuale për nota kaluese appeared first on Telegrafi.
