Kryetari i Kuvendit të Maqedonisë së Veriut, Talat Xhaferi sot në Briffing me gazetarët ka komentuar sjelljen agresive të kryetarit dhe deputetit të “Të Majtës”, Dimitar Apasiev, i cili shkaktoi dhe dëme materiale në foltoren e kuvendit, dhe hapësirën përreth.
“Ka procedura juridike për çdo veprim. Dëmi që është bërë duhet të kompensohet. Dëmin e kompenson ai që e ka bërë. Sipas ligjit, ne jemi të punësuar këtu. Përderisa jemi në marrëdhënie pune, vlejnë rregullat e ligjit, vlen procedura për kompensim material, nuk mund ti ikim.
Nëse nuk paguan ka procedura ligjore, të cilave nuk mund të iu ikë. Gjithcka që është dëmtuar, është regjistruar”, deklaroi Xhaferi.
Sipas Xhaferit dëmi i shkaktuar nga Apasiev kap vlerën e rreth 9.500 eurove.
Kujtojmë se deputetët e “Të Majtës” me 20 nëntor kanë dëmtuar pjesët elektronike në Kuvend dhe hedhën amendamentet drejt nënkryetarit të Kuvendit të Maqedonisë së Veriut./Telegrafi/
Dëmi material i shkaktuar nga “E Majta” në Kuvend kap shifrat e 9.500 eurove shkruan Telegrafi.