Ende nuk dihet se kur do të arrijnë vaksinat kundër coronavirisuit në Maqedoninë e Veriut. Tashmë është e sigurt se dërgesa me 100 mijë doza nuk do të arrijë deri në fund të muajit mars ashtu siç u paralajmërua nga autoritetet shëndetësore.
“Javën e kaluar morëm informacionin nga Kovaks sistemi se për 2-3 javë pritet të merret doza e parë e vaksinave që do të arrijnë nga prodhuesi AstraZenca”, thonë nga Ministria e Shëndetësisë.
Për paralajmërimet nga BE për kufizim të dërgimit të vaksinave, nga MSH thonë se nuk ka të bëjë me bisedimet e drejtpërdrejta me Pfizer. Maqedonia ende pret që kompania të nënshkruajë marrëveshjen për shitjen e vaksinave.
Përderisa në Maqedoni ka vaksina vetëm në letër, rajoni tashmë ka nisur të sigurojë vaksinat. Sot në Bosnjë kanë arritur 23.400 vaksina të Pfizer, ndërsa Shqipëria 192 doza./Telegrafi/
The post Ende nuk dihet kur do të arrijnë vaksinat kundër COVID-19 në Maqedoni appeared first on Telegrafi.
