Filloi vaksinimi në Maqedoni, shumica e rasteve të reja janë me mutacionin britanik

Pinterest LinkedIn Tumblr +

Vaksinimi kundër coronavirusit në RMV ka nisur dje në spitalin modular të Klinikës për Sëmundje Infektive. Me vaksinat “Pfizer” u vaksinuan mjekja dhe infermierja kryesore në Klinikë, ndërsa më pas edhe të punësuarit në këtë institucion shëndetësor.

Për momentin plani është që vaksinimi të zhvillohet në Shkup, ndërsa të punësuarit në covid-qendrat në spitalet tjera, do të vaksinohen gjatë fundjavës ose në fillim të javës së ardhshme, përcjell Telegrafi Maqedoni.

Pika në spitalin modular, ku ka gjashtë pozicione vaksinimi, funksionon në dy ndërrime nga ora 8 e mëngjesit deri në ora 8 pas mbrëmjes dhe vaksinimi kryhet nga ekipet mjekësore nga Qendra Shëndetësore Shkup.

Deri më tani, 4,000 punëtorë shëndetësorë janë regjistruar për vaksinim, nga të cilët rreth 2,000 janë në Shkup, dhe të tjerët nga qytete të tjera. Për çdo punonjës shëndetësor që vaksinohet, menjëherë sigurohet doza e dytë për rivaksinim.

Advertisement

Imunizimi në spitalin modular kryhet me 4,680 nga 8,000 doza të planifikuara të vaksinave nga prodhuesi “Pfizer”, të cilat RMV i mori si donacion nga Serbia./Telegrafi/

Filloi vaksinimi në Maqedoni, shumica e rasteve të reja janë me mutacionin britanik shkruan Telegrafi.

Share.

Comments are closed.

Copyright © 2023 Struga.info | Privacy policy