Zhvillimet e fundit politike në vend, procesi i ndryshimeve kushtetuese, rruga e integrimit europian, si dhe fillimi i punës për korridoret 8 dhe 10D, ishin në qendër të bisedimeve në takimin e sotëm të zëvendëskryeministrit Artan Grubi me zv.ambasadorin e SHBA-së në vend Eric Meyer.
Siç njoftoi Kabineti i Grubit, të dy bashkëbiseduesit diskutuan për situatën politike në vend, për procesin e integrimit evropian dhe vazhdimin e rrugës për hapjen e kapitujve të negociatave.
Grubi theksoi se e ardhmja evropiane e qytetarëve dhe e vendit është më e rëndësishme dhe se janë të gatshëm për çdo vendim që do të mundësonte miratimin konsensual të ndryshimeve kushtetuese.
“Diskutimi për rëndësinë e zbatimit të projekteve si Korridori 8 dhe 10D jo vetëm për vendin, por edhe për të gjithë rajonin, bëri që të gjithë Qeveria të angazhohet për zbatimin e shpejtë dhe cilësor të tyre, tashmë pas miratimit të ndryshimeve ligjore”.
“Gjatë takimit, Grubi falënderoi Meyer për mbështetjen e madhe për vendin tonë në rrugën evropiane, si dhe për vazhdimin e dialogut strategjik me Shtetet e Bashkuara të Amerikës”, thuhet në njoftim.
Grubi: Jemi të gatshëm për çdo vendim që do të mundësonte miratimin konsensual të ndryshimeve kushtetuese shkruan Telegrafi.