Sekretari i Përgjithshëm i Bashkimit Demorkatik për Integrim, Artan Grubi në “Facebook” ka përmendur komunat ku partia e tij ka korrur fitore.
Ndër komunat ku partia e tij ka fituar është Komuna e Zhelinës me kryetarin Fatmir Izairi, Tearca me kryetar Nuhi Neziri, në Bogovinë Besnik Emshiu, në Likovë Erkan Arifi dhe Ridvan Ibrahimi në Komunën e Haraçinës.
Më herët edhe kryetari i BDI-së, Ali Ahmeti tha se partia e tij ka fituar në Likovë, Saraj, Pllasnicë, ndërsa shtoi se udhëheqin në Komunën e Tetovës, Çairit, Kërçovës, Strugës, Zhelinës, Tearcës, Bogovinës, Haraçinës, Dollnen.
“Do të doja të shpreh kënaqësi për të gjithë procesin zgjedhor, për të gjithë garuesit, gjithashtu dua të përgëzoj anëtarët e BDI-së për fitoret e radhës, pasi është treguar rritje e votave”, tha Ahmeti.
Grubi përmend komunat ku ka fituar BDI shkruan Telegrafi.