Ministria e Shëndetësisë informon se sipas raportit të Institutit për Shëndet Publik, nga 10 deri më 16 gusht, janë kryer gjithsej 11.605 teste për COVID-19, që është më shumë me 2.062 ose 17.8 përqind krahasuar me javën e kaluar.
Nga 11.605 testet e kryera, 902 ose 7.8 përqind ishin raste të reja pozitiv me coronavirus. Sipas Ministrisë, kjo tregon një trend të uljes së vazhdueshme në krahasim me javët e kaluara kur ajo shkonte nga 10, 9.4 dhe 8.6 përqind.
Shumica e rasteve të regjistruara janë nga Shkupi (251 ose 27.8%) dhe Kumanova (125 ose 13.6%). Në 18 qytete të vendit, në periudhën e përmendur numri i rasteve të reja është nën 20, njofton Telegrafi Maqedoni.
Sa i përket strukturës së moshës, regjistrohen persona të infektuar në të gjitha grupmoshat. Në këtë periudhë, grupmosha më e zakonshme është mbi 60 vjeç me 206 (22.8%) pozitivë. Një numër i madh i pacientëve janë regjistruar me persona të moshës 30 deri 39 vjeç (163 ose 18.1%) dhe 50 deri 59 162 ose 18.0%). Numri më i ulët është i regjistruar tek fëmijët nga 0 deri në 9 (26 ose 2.9%) dhe nga 10 deri në 19 vjeç (49 ose 5.4%).
Janë regjistruar edhe 17 vdekje nga nëntë qytetet, që është një rënie prej 32.0% në krahasim me javën e kaluar. Shumica e rasteve ishin mbi 60 vjeç (nëntë ose 52.9%). Nga të vdekurit, 16 u shtruan në spital dhe një vdiq në kushtet onkologjike. Komorbiditet është regjistruar në 11 vdekje./Telegrafi/
ISHP: Një numër i madh i rasteve me COVID-19 janë regjistruar nga mosha 30 deri më 39 vjeç shkruan Telegrafi.