Gjatë ditës së martë (4 gusht) deputetët e zgjedhur në zgjedhjet e 15 korrikut kanë verifikuar mandatet kurse kjo ka lënë Komunën e Pllasnicës pa kryetar pasi Ismail Jahoski është zgjedhur deputet i BDI-së në zonën zgjedhore numër 6-shë, përcjell Telegrafi Maqedoni.
Ushtrues detyre kryetar komune është zgjedhur Elsan Nurçeski, kryetar i këshillit komunal në këtë komunë.
“Jam i vendosur që ta kryej detyrën e kryetarit të Komunës së Pllasnicës me përgjegjësi dhe krenari. Me transparencë dhe kompetenca të plota do t’i kryej detyrat e kryetarit të komunës për të gjithë qytetarët” tha Nurçeski.
Sipas ligjit për vetqeverisje lokale, mandati i këshilltarit të komunës për Nurçeskin është në pushim derisa të ndryshohet roli i tij në organizatën e komunës. /Telegrafi/
Jahoski bëhet deputet, Pllasnica me ushtrues detyre kryetar i komunës shkruan Telegrafi.