Për kryeministrin Dimitar Kovaçevski është e pranueshme që zgjedhjet parlamentare të mbahen në maj të vitit të ardhshëm. Ai sot duke iu përgjigjur pyetjeve të gazetarëve gjatë vizitës së tij në Prilep tha për herë të parë se në maj ka hapësirë të mjaftueshme për organizimin e zgjedhjeve.
Deri më tani, kryeministri tha se zgjedhjet parlamentare do të mbahen në mandatin e tyre të rregullt në qershor, ndërsa zgjedhjet presidenciale në prill.
“Mendoj se ka hapësirë të mjaftueshme për organizimin e zgjedhjeve në maj dhe për qëndrimet përfundimtare të partive politike do të informojmë kur të arrihet një konsensus më i gjerë brenda Kuvendit, tha kryeministri Kovaçevski.
Burime të disa nga mediave brenda partisë në pushtet thonë se vlerësimet e partisë janë se gjatë ditëve në vijim do të arrihet marrëveshje mes partive, që zgjedhjet parlamentare të mbahen në fillim të majit, përkatësisht të jenë së bashku me raundin e dytë presidencial.
Kovaçevski: Ka hapësirë për organizimin e zgjedhjeve në maj shkruan Telegrafi.