Ministria e Shëndetësisë ka bërë të ditur se janë miratuar shtesë 100 milionë denarë për ofrimin e ilaçit “Kaftrio” në kombinim me “Kalydeco” për pacientët shtesë me fibrozë cistike. Klinika Universitare për Sëmundjet e Fëmijëve ka marrë pëlqimin për të kryer procedurë urgjente me distributorin e autorizuar të Vertex pas negociatave të drejtpërdrejta.
Në nëntor, është nënshkruar një kontratë mes Klinikës dhe Alkaloid Cons për blerjen e ilaçit, dhe pritet që sasia e ilaçit të dorëzohet në gjysmën e parë të dhjetorit të këtij viti. Klinika bën e ditur se me 102 regjime terapie, 12 pacientët aktualë që tashmë po marrin ilaçin do të mbulohen për dy muaj, deri në prill 2024. Ilaçet do të jenë gjithashtu në dispozicion për pacientët shtesë që plotësojnë kriteret për “Kaftrio” në kombinim me “Kalydeco”.
Ky hap i fundit ndjek buxhetin e kushtëzuar të Klinikës për sëmundje të fëmijëve për vitin 2023 dhe vazhdon zbatimin e terapisë për 12 pacientë me fibrozë cistike. Tetë prej tyre janë nën mbikqyrjen e Klinikës për Sëmundjet e Fëmijëve, ndërsa katër të tjerë ndiqen në Klinikën për Alergologji Pulmonare. /Telegrafi/
Miratohet fonde ekstra për pacientët me fibrozë cistike në Maqedoni shkruan Telegrafi.