Gjatë 24 orëve të fundit në Covid Qendrat në Shkup janë hospitalizuar 36 pacientë të rinj me COVID-19. Gjithsej ka 467 persona të cilët dyshohen dhe janë të infektuar në Shkup.
Gjatë 24 orëve të fundit, në klinikat interne ka pasur 19 të pranuar, 11 në spitalin ‘8 shtatori’, dhe në Klinikë Infektive gjashtë pacientë.
Po ashtu gjatë 24 orëve të fundit janë lëshuar 31 pacientë të shëruar. Momentalisht në Klinikën e dermatologjisë shërohen 19 pacientë, në neurologji 36, në Institutit për TBC ka gjithsej 54 pacientë, në Klinikën Gastroenterhepatologjisë shërohen 25 pacientë, në nefrologji 25 dhe në Klinikën për sy 11 pacientë.
Në spitalin 8 shtatori ka 106 të sëmurë, në Infektive 155, ndërsa në Kozle ka 36 pacientë ku prej tyre 6 janv fëmijë dhe 30 të moshuar.
Deri në mëngjes, në Shkup ka pasur gjithsej 25 shtretër të lirë, ndërsa vendet ndryshojnë nga momenti në moment.
Në Covid Qendrat në Shkup për 24 orë janë pranuar 36 pacientë shkruan Telegrafi.