Aksionet korruptive të qeverisë së LSDM-së nuk ndalen, duke abuzuar me buxhetin e shtetit, nga pozita e qeverisë teknike, në gjendje të jashtëzakonshme, ndërsa në drejtim të zgjedhjeve të ardhshme parlamentare, akuzoi sot Naum Stoilkovski, zëdhënës i OBRM-PDUKM-së.
“Dje, të shtunën, ndërsa qytetarët kishin frikë nga numri i qindra të rinjve të infektuar rishtazi me virusin Covid-19, Qeveria e LSDM-së shpalli një njoftim për grante për organizatat joqeveritare për gjithsej 30 milion denarë!
Kujdes, në mes të krizës, gjysmë milioni euro për OJQ, shoqata dhe fondacione për projekte për të parandaluar përhapjen e virusit të coronës! Dhe kini kujdes, të gjithë ata që do të marrin para, nga 600 deri në 900 mijë denarë, ndërsa llogari do t’i japin Dragi Rashkovskit, Sekretarit të Përgjithshëm të qeverisë së LSDM-së! Dhe kini vëmendje kujdes, njoftimi zgjat vetëm pesë ditë”, tha Stoilkovski.
Ai shtoi se ky njoftim urgjent në shumë mënyra është në kundërshtim me Kodin e praktikës së mirë për mbështetje financiare të organizatave dhe fondacioneve 2007./Telegrafi/
OBRM-PDUKM akuzon për korrupsion: Qeveria do t’u shpërndajë gjysmë milioni euro shoqatave shkruan Telegrafi.