“LSDM-ja mundohet të mbulojë situatën katastrofale në sektorin e energjisë me justifikime dhe fajësim të tjerëve. Kriza energjetike në Maqedoni është e metastazuar për shkak të krimit dhe korrupsionit të pushtetarëve të udhëhequr nga SDS-ja antimaqedonase. Si në krizën ekonomike, ashtu edhe në atë shëndetësore, edhe në këtë krizë energjetike për shkak të paaftësisë dhe kriminalitetit të qeverisë, Maqedonia po e bën më të keqen”.
Kështu thonë nga partia opozitare maqedonase OBRM-PDUKM, prej ku shtojnë se sipas EURSTAT, ekonomia maqedonase paguan energjinë më të shtrenjtë në krahasim me vendet e rajonit.
“Gjithashtu, krahasuar me pagën që marrin, qytetarët paguajnë një nga çmimet më të shtrenjta të energjisë elektrike në krahasim me vendet e rajonit. Prodhimi vendor i energjisë elektrike është në nivel rekord të ulët dhe ekonomia humbet mbi 1 milion euro në ditë duke paguar rrymë të shtrenjtë për shkak të Qeverisë antimaqedonase SDS, e cila bën krime duke importuar rrymë të shtrenjtë”.
“Nëse kësaj i shtohet edhe vjedhja miliona dollarëshe e energjisë elektrike e toleruar nga qeveria dhe e paguar nga qytetarët në faturat e tyre, atëherë rezulton se populli dhe ekonomia po paguajnë dyfish për punën e papërgjegjshme dhe kriminale të kësaj qeverie”.
“Gënjeshtra që SDS kërkon ta përsërisë njëqind herë për ta kthyer në të vërtetë nuk kalon. Numrat janë të pamëshirshëm. Kovaçevski tani e blen rrymën 30 për qind më shtrenjtë se HUPX, ndërsa presidenti Mickoski si drejtor bleu 40 për qind rrymë më të lirë për njerëzit”, thonë nga OBRM-PDUKM./Telegrafi/
OBRM-PDUKM: Qytetarët e Maqedonisë paguajnë rrymën më të shtrenjtë në rajon shkruan Telegrafi.