Osmani u takua me përfaqësuesit të diasporës së Maqedonisë në Itali

Pinterest LinkedIn Tumblr +

Ministri i Punëve të Jashtme, Bujar Osmani, sot në kuadër të vizitës së tij të punës në Romë, u takua me përfaqësues të diasporës sonë në Itali, përkatësisht me bartësit e MKARTA.

Siç njoftoi MPJ, ministri shprehu mirënjohjen e tij për interesimin e treguar për projektin MKARTA, të cilin ai vetë e prezantoi më pak se tre vjet më parë, në maj 2021, si një rrjet i vlefshëm i përfaqësuesve tanë më të mirë të diasporës në botë, të cilët me veçantinë e tyre lanë gjurmë në mjedise të reja ku integrohen me sukses, duke promovuar vendin jashtë.

“Projekti MKarta paraqet një lloj njohjeje, një konfirmim për personat e shquar nga vendi që jetojnë jashtë vendit, të cilët kanë treguar sukses të jashtëzakonshëm me punën e tyre dhe në këtë mënyrë e përfaqësojnë Maqedoninë e Veriut jashtë vendit në mënyrën e duhur. Në mesin e bartësve nga Italia, këtë vit është një gustator me famë botërore, biznesmenë, kardiolog dhe kardiokirurg i njohur, artist, master në zhvillim të qëndrueshëm dhe profesor i gjuhës dhe letërsisë shqipe”, theksoi ministri Osmani.

“Përveç njohjes simbolike të punës së tyre të jashtëzakonshme, projekti, shtohet, forcon marrëdhëniet e këtyre personave të dalluar me shtetin dhe hap mundësi për bashkëpunim të thelluar dhe rolin e tyre proaktiv të institucionalizuar në Maqedoninë e Veriut”, thuhet në njoftim.

Advertisement

Osmani u takua me përfaqësuesit të diasporës së Maqedonisë në Itali shkruan Telegrafi.

Share.

Comments are closed.

Copyright © 2023 Struga.info | Privacy policy