Paga mesatare mujore e paguar neto për të punësuar në prill të këtij viti është 31.525 denarë, që është një rritje prej 10,9 për qind në krahasim me prillin e vitit të kaluar, njoftoi sot Enti Shtetëror i Statistikës.
Kjo rritje vjen kryesisht si pasojë e rritjes së pagës mesatare mujore neto të paguar për punonjës në sektorët: Objekt për akomodim dhe shërbime ushqimore (24.8 për qind), Arte, argëtim dhe rekreacion (20.1 për qind) dhe shërbime administrative dhe ndihmëse (17 për qind).
Rritje e pagës mesatare mujore neto të paguar për punonjës, krahasuar me muajin paraprak, është shënuar në sektorët: Veprimtaritë shëndetësore dhe të mbrojtjes sociale (8.3 për qind), Ndërtimtari (5.6 për qind) dhe Veprimtaritë e pasurive të paluajtshme (4.5 për qind).
Paga bruto e paguar për punonjës, ndërkaq, në prill të këtij viti ka qenë 47.092 denarë dhe është rritur për 11 për qind krahasuar me pagën bruto në prill të vitit të kaluar.
Publikohet paga mesatare neto për muajin prill në Maqedoni shkruan Telegrafi.