Grupi ProCredit publikoi Raportin e qëndrueshmërisë për vitin 2023, në të cilin vlerëson aktivitetet e tij jo vetëm në aspektin e nevojave të klientëve dhe përfitimit, por edhe për sa i përket ndikimit të mundshëm të aktiviteteve të tij në shoqëri dhe mjedis.
Raporti dokumenton performancën dhe iniciativat e Grupit ProCredit përsa i përket vlerave që lidhen me çështjet mjedisore dhe sociale dhe çështjet e menaxhimit, në përputhje me standardet e vendosura në Iniciativën e raportimit global (GRI) dhe Objektivat e zhvillimit të qëndrueshëm të Kombeve të Bashkuara.
ProCredit tradicionalisht i përgatit këto raporte vullnetare jofinanciare çdo vit. Struktura e raportit të këtij viti fokusohet në prioritetet ekonomike, sociale dhe mjedisore, si krijimi i vendeve të punës dhe investimet, diversiteti dhe përfshirja, energjia e gjelbër dhe veprimi klimatik, dhe bazohet në pesë Qëllimet e zhvillimit të qëndrueshëm të Kombeve të Bashkuara të mëposhtëm, të cilat janë veçanërisht të rëndësishme për Grupin ProCredit: barazia gjinore, energji e pastër dhe në dispozicion, punë e denjë dhe rritje ekonomike, industri dhe inovacion dhe veprim klimatik.
“Konsideratat etike dhe mjedisore janë rrënjosur thellë në strukturën e Grupit ProCredit që nga themelimi i tij. Kjo bazë çoi në një qasje të integruar dhe gjithëpërfshirëse ndaj qëndrueshmërisë, e shprehur në standarde strikte mjedisore dhe etike në punën e saj operacionale brenda bankave, në bashkëpunim me klientët, furnitorët dhe partnerët e tjerë të biznesit” – shpjegohet nga ProCredit.
Më shumë se 20% e portofolit të Grupit tashmë synon të mbështesë klientët në efiçencën e tyre të energjisë, energjinë e rinovueshme dhe investimet mjedisore. Në planin afatmesëm synohet që kjo peshë të rritet në 25% të portofolit.
ProCredit thotë se Strategjia e qëndrueshmërisë po forcohet përmes një sërë iniciativash që kontribuojnë në reduktimin e gjurmës mjedisore të Grupit.
Përqindja e makinave elektrike dhe hibride në flotën e tyre të automjeteve në vitin 2023 është 61%, që është një rritje e ndjeshme nga pjesa e një viti më parë që ishte 52%.
Grupi ProCredit gjithashtu ka arritur të ruajë normën e tij 100% të riciklimit për mbetjet e letrës dhe mbetjet elektronike në vitin 2023.
Nëpunësit e ProCredit janë thelbësor për suksesin e strategjisë së qëndrueshmërisë. Brenda fuqisë së tij punëtore, Grupi ProCredit thekson fuqishëm një mjedis pune pozitiv të karakterizuar nga diversiteti, një hierarki e sheshtë dhe komunikim të hapur.
Për të përforcuar më tej rëndësinë e diversitetit dhe përfshirjes si pjesë e vlerave thelbësore të institucionit, në vitin 2023 të gjithë punonjësit morën pjesë në një seminar të Kodit të Sjelljes për të cilin u investuan më shumë se 21.600 orë trajnimi. Grupi vazhdon të zhvillojë trajnime të rregullta edhe në vitin 2024. Për të promovuar më tej barazinë gjinore, ProCredit përgatiti një Plan veprimi gjinor në vitin 2023 dhe iu bashkua nismës 2X Global, e cila do të mbështesë ndërtimin e kapaciteteve dhe përafrimin me praktikat më të mira ndërkombëtare.
Grupi është gjithashtu një mbështetës i fortë i sipërmarrjes së grave. Në vitin 2023, më shumë se 20% e kredive u jepen klientëve të biznesit, ku të paktën 50% e pronësisë është në duart e grave.
Si një bankë e përkushtuar për të nxitur rritjen ekonomike dhe përparimin social në Evropën Juglindore dhe Lindore, ProCredit inkurajon inovacionin, kontribuon në ndërtimin e komuniteteve elastike dhe mbështet krijimin e vendeve të punës duke forcuar sektorin e ndërmarrjeve të vogla dhe të mesme. Kështu, vlerësohet se më shumë se 193.000 vende pune janë mbështetur deri në fund të vitit 2023 përmes kreditimit të përgjithshëm.
Rreth 42% e këtyre vendeve të punës mbahen nga gratë, gjë që nënvizon përkushtimin për gjithëpërfshirjen gjinore. Përveç kësaj, 7% e vendeve të punës mbështesin të rinjtë, duke reduktuar rrjedhjen e talenteve dhe duke inkurajuar përparimin ekonomik në vendet ku ProCredit operon.
Si anëtar i Aleancës bankare për gjurmë të karbonit Net-Zero, Grupi ProCredit ka zhvilluar një strategji gjithëpërfshirëse për të arritur emetimet neto zero deri në vitin 2050.
Sipas Raportit, qëllimet afatshkurtra përfshijnë një angazhim për të reduktuar emetimet e veta me 42% deri në vitin 2030, si dhe mbështetjen e përpjekjeve të dekarbonizimit të klientëve të saj, kryesisht në sektorët e bujqësisë dhe të prodhimit, të cilët shkaktojnë 28% të emetimeve. në portofolin e Grupit. Pjesë e këtyre synimeve është edhe angazhimi për financimin e projekteve për burimet e rinovueshme të energjisë.
Hubert Spechtenhauser, Kryetar i Bordit drejtues të ProCredit Holding SHA, thekson: “Me vërtetimin e fundit të objektivave tona afatshkurtër të reduktimit të emetimeve nga SBTi, ne kemi arritur një moment tjetër historik në strategjinë tonë të qëndrueshmërisë. Si një bankë tregtare për ndërmarrjet e vogla dhe të mesme, ne jemi veçanërisht të përkushtuar për të mbështetur klientët tanë në tranzicionin e tyre në aktivitete biznesi më efikase dhe më pak të dëmshme për mjedisin. Raporti ynë i shtatë i Qëndrueshmërisë tregon se ne po zbatojmë me sukses parimin tonë të zhvillimit të qëndrueshëm në nivele të ndryshme dhe përmes aktiviteteve të shumta”.
Raporti i qëndrueshmërisë prodhohet çdo vit në nivel të gjithë Grupit ProCredit dhe përbëhet nga rezultatet e arritura nga të gjitha bankat individualisht, duke përfshirë edhe ProCredit në Maqedoni.
“Ne jemi të vetëdijshëm se si bankë aktivitetet, mënyra e punës dhe vendimet tona kanë një efekt të caktuar në mjedis, ekonomi dhe shoqëri në përgjithësi. Prandaj, ne përpiqemi të kemi një ndikim minimal negativ në mjedis, duke inkurajuar dhe financuar në të njëjtën kohë projekte që kanë ndikim pozitiv”. – theksoi Emilia Spirovska, anëtare e Bordit drejtues të ProCredit Bank Maqedoni.
Raporti i qëndrueshmërisë i Grupit ProCredit i plotë gjendet në lidhjen në këtu:
Raporti Vjetor i qëndrueshmërisë i ProCredit Group tregon një kontribut të rëndësishëm për shoqërinë dhe mjedisin shkruan Telegrafi.
