Shkup: Shërohet pacienti tek i cili COVID-19 shkaktoi inflamacion në tru

Pinterest LinkedIn Tumblr +

Në spitalin e qytetit “8 shtatori” në Shkup, është shëruar një pacient 20-vjeçar, rast i rrallë në botë, tek i cili COVID-19 ka shkaktuar inflamacion në tru.

Dy javë më parë, me ambulancë ai është sjell në Klinikën për Neurologji në Spitalin “8 Shtatori” dhe ishte pozitiv me COVID-19 dhe me simptoma të inflamacionit në tru, përcjell Telegrafi Maqedoni.

Mjekët i bënë të gjitha analizat dhe zbuluan se bëhet fjalë për ndezje në tru. Nga trakti respirator, virusi Covid-19 ka arritur të arrijë dhe sulmojë trurin përmes rrjedhës së gjakut, duke shkaktuar një pasqyrë serioze klinike, tha mjeku Ilija Zdravkov.

Ndërsa mjekët, infermierët dhe stafi mjekësor janë të lumtur që e kanë dërguar atë në shtëpi sot të shëruar dhe me buzëqeshje.

Advertisement

Ky është rasti i gjashtë i njohur në botë, ku COVID-19 shkaktoi pasqyrë të tillë klinike, thonë mjekët që shpëtuan jetën e të riut.

Ndryshe, në spitalin “8 shtatori”, ditën ditën e fundit janë pranuar 9 pacientë, ndërsa janë lëshuar në shtëpi 10. Mjekët janë optimistë se do të vazhdojë trendi i më shumë të shëruarve, se sa të infektuarve./Telegrafi/

Shkup: Shërohet pacienti tek i cili COVID-19 shkaktoi inflamacion në tru shkruan Telegrafi.

Advertisement
Share.

Comments are closed.

Copyright © 2023 Struga.info | Privacy policy