Sot bëhen dy vite nga tragjedia në Spitalin Modular në Tetovë, nga djegia e të cilit humbën jetën 14 persona.
Familjarët e të vdekurve për sot kanë paralajmëruar protestë, në të cilën do të kërkojnë drejtësi, gjegjësisht të ketë aktakuza të reja.
Protesta do të fillojë në ora 14:00 me pikënisje nga lokacioni ku ishte spitali modular, do të vazhdojë në qendër dhe më pas deri te Gjykata e Tetovës.
Organizatorët e protestës së sotme kërkuan që ajo të mos politizohet.
Ndryshe, për zjarrin tragjik Prokuroria ngriti aktakuza ndaj ish-drejtorit mjekësor të Spitalit të Tetovës, Florin Besimi, ish-drejtorit ekononmik Artan Etemi, mjekut përgjegjës për kovid-qendrën Boban Vuçevski, si dhe Spitalit të Tetovës si person juridik.
Me vendim të gjykatës, Florin Besimi dhe Artan Etemi u dënuan me 1 vit e 6 muaj burg me kusht, ndërsa Boban Vuçevski u lirua nga akuza. Kurse Spitali i Tetovës u dënua me 1 milionë denarë.
Pas vendimit të gjykatës, Laboratori i Gazetarisë Hulumtuese (IRL) publikoi një dokumentar në lidhje me tragjedinë në spitalin modular, i cili zbuloi lëshime të shumta në procesin e tenderimit dhe ndërtimit të spitalit modular në Tetovë./Telegrafi/
The post Sot bëhen dy vite nga zjarri në Spitalin Modular në Tetovë, familjarët e të vdekurve organizojnë protestë appeared first on Telegrafi.
