Ministria e Brendshme arrestoi një grup kriminal anëtarët e të cilit ishin të punësuar në shërbimin administrativ të Ministrisë së Brendshme, të cilët nga ana tjetër lëshuan pasaporta duke abuzuar me identitetin e dikujt tjetër, njoftoi Ministri i Brendshëm Oliver Spasovski në konferencën për shtyp.
“Në fillim të vitit 2019, ka filluar hetim kriminal për personat e punësuar në shërbimet administrative të Ministrisë së Brendshme, si oficerë dhe kontrollues, të cilët lëshuan pasaporta të Maqedonisë për shtetas të huaj duke përdorur identitetin e dikujt tjetër, ndërsa para kësaj personat nuk kishin dokumente personale biometrike.
215 persona, nga të cilët 214 shtetas të huaj dhe një shtetas i Maqedonisë morën pasaportë me një identitet tjetër. Një person ishte ndërmjetës midis ankuesve dhe zyrtarëve.
Është përcaktuar se këta janë persona nga grupe kriminale ndërkombëtare, kartele droge, gjegjësisht persona me rrezik të lartë dhe persona me urdhër arrest me identitet të huaj”, tha Ministri.
10 persona janë akuzuar, 9 janë ndaluar, dhe njëri po kërkohet.
“Ne nuk do të ndalemi ose të na lëkundin. Ne u përballëm me sabotim nga OBRM-PDUKM dhe Hristijan Mickoski por ai dështoi. Me këtë, gjithçka që u bë në një periudhë prej më shumë se një viti mund të rrezikohej”, shtoi Ministri.
Spasovski tha se aksioni ka filluar më 20 shkurt të vitit 2019-të./Telegrafi/
Spasovski: Janë dhënë 215 pasaporta me identitet të huaj, janë arrestuar nëntë persona shkruan Telegrafi.