“Për momentin nuk ka indikacione më serioze se vala e emigrantëve mund të rritet, por vendi është i gatshëm t’u përgjigjet të gjitha sfidave”.
Këtë e theksoi sot ministri i Punëve të Brendshme Oliver Spasovski, duke iu përgjigjur pyetjeve të gazetarëve nëse shteti është gati për valë të re të mundshme të emigrantëve, duke pasur parasysh situatën e re në Afganistan, për të cilën lajmërojnë mediat botërore.
Ai theksoi se për momentin nuk ka rritje të përpjekjeve të paligjshme, në përgjithësi krahasuar me vitet e kaluara, por kjo nuk do të thotë se nuk do të ndodhë nesër.
“Ne si vend jemi të përgatitur dhe kemi dy qendra tranziti në territorin e Republikës së Maqedonisë të Veriut. Ata nuk qëndrojnë dhe nuk do të mbesin migrantë, por tranzitohen vetëm në momentet kur rruga e Ballkanit Perëndimor ishte funksionale”, është pozicioni qeveritar i përsëritur nga Spasovski, i cili sot së bashku me kryetaren e KRSK-së, Gordana Kozhuvarovska e vizituan vendkalimin kufitar Tabanovce në kuadër të fushatës “Vozitë i relaksuar”.
Sipas tij, sot për Maqedoninë e Veriut flitet si një vend që nuk është tërheqës për migrantët që të kalojnë përmes kësaj rruge, sepse ka kontrolle serioze.
Ai theksoi se vendi është vendosur shumë mirë në drejtim të mbrojtjes së kufijve shtetërorë.
“Shumë e rëndësishme është për të menaxhuar me migracionin, si dhe sfidat e tjera globale, për të ndërtuar politika të përbashkëta dhe ne e bëjmë atë, të marrim pjesë në të gjitha iniciativat rajonale dhe në përgjithësi të bashkëpunojmë në krijimin e politikave dhe BE”, tha Spasovski.
Spasovski: Për momentin nuk ka indikacione më serioze për valë të shtuar të migrantëve shkruan Telegrafi.