Kryetari i Gjykatës Kushtetuese dhe ministrja e Drejtësisë ranë dakord që problemi me personelin e gjykatës, e cila tashmë funksionon me pesë nga nëntë anëtarë, duhet të zgjidhet sa më parë.
Shqetësim për funksionimin e Gjykatës Kushtetuese me katër gjyqtarë më pak se sa parashihet me Kushtetutë, ka shprehur kryetarja e Gjykatës, Dobrilla Kacarska, në takimin e sotëm me ministrin e Drejtësisë, Nikolla Tupançeski.
Në deklaratën e Gjykatës Kushtetuese për takimin Kacarska-Tupançeski thuhet se të dyja palët janë pajtuar se kjo është çështje me interes të lartë për shtetin dhe mbrojtjen e rendit kushtetues dhe duhet të zgjidhet sa më shpejt.
Nga atje thonë se tema e bisedës ishte “angazhimi i ndërsjellë për sundimin e ligjit dhe një sistem ligjor funksional, si dhe evidentimi i sfidave, por edhe i aspekteve pozitive të ndryshimeve që rezultojnë nga miratimi i akteve të brendshme në Gjykatë”.
Kacarska e njoftoi ministrin e Drejtësisë për problemet e Gjykatës në aspektin e hapësirës, nevojën për pajisjen e dhomës së serverëve, rritjen e kapaciteteve të stafit, si dhe nevojën për rregullimin ligjor të statusit material të gjyqtarëve kushtetues dhe punonjësve të Gjykatës./Telegrafi/
Tupançeski – Kacarska: Është me interes të lartë kompletimi i Gjykatës Kushtetuese shkruan Telegrafi.