U arrestua pas sherrit me Noizyn, lirohet nga burgu Cllevio

Pinterest LinkedIn Tumblr +
U arrestua pas sherrit me Noizyn, lirohet nga burgu Cllevio

Kleviol Ahmeti, i njohur ndryshe si Cllevio, është lënë mbrëmjen e djeshme i lirë pasi prej më shumë se një muaji ndodhej në burg për shkak të thyerjes së masës “arrest shtëpie”, pas sherrit me Noizyn.

Pak ditë më parë Gjykata e Lushnjes mori vendimin në lidhje me reperin, duke vendosur që ai të lirohet.

Advertisement

Në rrjetet sociale janë publikuar menjëherë video të shumta nga lirimi i tij. Reperi është pritur nga shumë miq jashtë mureve të burgut ku ndodhej teksa lirimi i tij është transmetuar edhe ‘live’ në llogarinë e tij zyrtare në Instagram.

Advertisement

Reperi u arrestua nga policia një ditë pas sherrit të bujshëm në Durrës, ku ai u rrah nga Noizy. Një sherr që kishte nisur në rrjetet sociale u përshkallëzua deri në dhunë fizike një ditë më parë ndërkohë që Noizy dhe babai i tij tashmë po hetohen nga policia në gjendje të lirë.

Sherri në Durrës ka shërbyer si indicie për uniformat blu duke çuar në arrestimin e Cllevios i cili në momentin e ngjarjes duhet të ishte në arrest shtëpie.

Advertisement
Share.

Comments are closed.

Copyright © 2022 Struga.info | Privacy policy