40 fshatra në juglindje pa energji elektrike si pasojë e motit të keq

Më shumë se 40 fshatra të juglindjes së vendit nga mëngjesi i kësaj të hëne janë pa energji elektrike.

Shkak janë bërë kushtet e vështira atmosferike me reshje të shumta shiu shoqëruar me erë të fortë në zonat malore.

Vetëm në njësinë administrative Gore të bashkisë së Maliqit kanë mungesë të energjisë elektrike 17 fshatra.

Pa energji elektrike janë edhe 12 fshatra të njësisë administrative propotisht, 5 fshatra në njësinë administrative Pojan si dhe fshatra të tjerë të bashkisë së Korçës që furnizohen nga e njëjta linjë.

Kushtet e vështira atmosferike e bëjnë të vështirë ndërhyrjen e specialistëve të osshe.