Një 68-vjeçar humbi jetën mbrëmjen e të dielës si pasojë e një aksidenti rrugor në vendin e quajtur “Aliaj”, pjesë e aksit Shkodër- Han i Hotit.
Llesh Peposhi ka qenë duke lëvizur në këmbë dhe në momentin kur ka tentuar të kalojë në krahun tjetër të rrugës është përplasur nga një automjet që drejtohej nga një 20-vjeçar.
Advertisement
Përplasja ka rezultuar fatale për 68-vjeçarin, i cili ka gjetur vdekjen e menjëhershme pa arritur të marrë ndihmën e parë.
Ndërkohë uniformat blu kane shoqëruar në komisariat 20-vjeçarin, Klidson Skenderaj.
Advertisement
Rruga Shkodër-Han i Hotit mbetet një ndër njollat e zeza të qarkut Shkodër, ku aksidentet me pasoja në jetë njerëzish kanë qenë të shpeshta për shkak të mungesës së nën dhe mbikalimeve, por edhe ndriçimit.
