Në një prononcim për mediat pas dëshmisë së dhënë përpara prokurorisë për protestën e 8 janarit kryedemokrati Lulzim Basha është shprehur se 8 janari dhe dita e sotme kanë hyrë në histori si ditë të dhimbshme për shqiptarët.
Basha u shpreh i vendosur të mos lëshojnë pe dhe të mos pranojnë ‘që pakica 30 vjeçare e tranzicionit të bëhet e përhershme’
“Jemi të vendosur që të mos lëshojmë pe dhe të mos pranojmë për asnjë çast që pakica 30 vjeçare e tranzicionit të bëhet e përhershme por që shumica e shqiptarëve dhe dëshira për ndryshim të marrë formë përmes zgjedhjeve të lira. E sot,ja si 8 janari kanë hyrë në histori si ditë të dhimbshme për shqiptarët që duan institucione të pavarura , t’i japin fund dhunës, korrupsionit dhe rruga për ta bërë këtë është të qëndrojmë së bashku”, tha Basha.
