Aksident në aksin Vlorë-Fier/ 24 vjeçari përplas me makinë turistët francezë, vdes njëri prej tyre

Një aksident me pasojë vdekje është regjistruar pasditen e sotme në aksin Vlorë-Fier.

Një 24 vjeçar me iniciale K.D, teksa ka qenë duke udhëtuar me makinën e tij, ka përplasur një çift francezësh, që ishin duke lëvizur me biçikletë.

Si pasojë e përplasjes, ka ndërruar jetë shtetasja franceze, ndërsa bashkëshorti i saj shtetasi M. F., 47 vjeç, ndodhet në spitalin e Vlorës.

Vlorë/Informacion paraprak

 

Advertisement

Rreth orës 15:20, në aksin rrugor Bestrov-Vlorë, automjeti me drejtues shtetasin K. D., 24 vjeç, banues në fshatin Oshtimë, Vlorë, ka aksidentuar 2 shtetas francezë (bashkëshortë), që udhëtonin me 2 biçikleta.

 

Si pasojë e aksidentit ka ndërruar jetë shtetasja franceze, ndërsa bashkëshorti i saj shtetasi M. F., 47 vjeç, ndodhet në spitalin e Vlorës, nën kujdesin e mjekëve.

 

Advertisement

Drejtuesi i automjetit, shtetasi K. D., u shoqërua në Komisariat, për veprime të mëtejshme.

 

Në vendngjarje ndodhet grupi hetimor, i cili po punon për sqarimin e plotë të rrethanave të aksidentit.