Erisilda Abedini, 22 vjeçe dhe Sikela Përroj, 23 vjeçe, banuese në Tiranë janë dy vajzat që humbën jetën tragjikisht në aksidentin në mbikalimin e Saukut. Të rejat po udhëtonin në automjetin tip ‘Audi’ nën drejtimin e 20-vjeçarit, Klevis Ruçaj, i cili po ashtu ka humbur jetën.
Ngjarja e rëndë u shënua pasiten e së enjtes ku automjeti tip ‘Audi’ si pasojë e shpejtësisë mbi normat e lejuara mori përpara barrierën dhe ra nga mbikalimi i Saukut. Drejtuesi i automjetit vetëm 20-vjeç ishte pajisur me patentë para më pak se një viti dhe ishte gjobitur 5 herë për tejkalim shpejtësie, përdorim celuluari dhe moszbatim të sinjalistikës.
Nga ky aksident mbetën të plagosur dhe tre persona të tjerë të cilitë po udhëtonin në automjetin mbi të cilin ra ‘Audi’.
