Përfundon takimi i Ndihmës Sekretares për Byronë e Çështjeve Evropiane dhe Euroaziatike, Karen Donfried me Enkelejd Alibeajn, Jorida Tabakun dhe Gazment Bardhin.
Pas takimit, kreu i grupit parlamentar të PD-së u shpreh se mori mbështetje nga zyrtarja e lartë e DASH për një opozitë që sheh nga e ardhmja.
Ai tha se në fokus të diskutimeve ishin sfidat që prekin Shqipërinë, veçanërisht lufta kundër korrupsionit.
“Folëm për çështje të rëndësishme që Shqipëria po përballet sic është demokracie me gjithë strukturat e veta, zgjedhjet, krimi i organizuar, po ashtu edhe çështje të rëndësishme. Shtetet e Bashkuara të Amerikës që në lidhjen e saj e të gjithë trajektoren vura re një mbështetje të madhe për të gjithë marrëdhënien që kemi. Mora OK-n për mbështetjen e fortë për një opozitë të fortë e të qëndrueshme, janë çështje të rëndësishme që na preokupojnë.”
