Arkëtim rekord nga doganat/ Mbi 136 miliardë lekë gjatë 9 muajve të këtij viti

Pinterest LinkedIn Tumblr +
Arkëtim rekord nga doganat/ Mbi 136 miliardë lekë gjatë 9 muajve të këtij viti

Të ardhurat nga doganat kanë shënuar një rritje historike. Gjatë 9-mujorit të 2021 janë mbledhur 136.1 miliardë lekë, shifra më e lartë në historinë e doganave.

Në krahasim me të njëjtën periudhë të një viti më parë, bëhet fjalë për 26.7 miliardë lekë më shumë.

Referuar të dhënave nga doganat, shtimi i të ardhurave ka ardhur si pasojë e rritjes së sasisë importeve, por një tjetër faktor është edhe shtrenjtimi i çmimeve për pothuajse të gjitha mallrat e importit.

Akciza e vjelë për importimin e karburantit, cigares dhe birrës ka shtuar 5.8 miliardë lekë, ndërsa taksa doganore 907 milionë lekë nga rifillimi i importit të mallrave me origjinë kryesisht Kinën.

Advertisement

Një ditë më parë, ministria e Financave raportoi se për 9-mujorin e këtij viti në arkën e shtetit kanë hyrë në total 367 miliardë lekë, duke reflektuar kështu një rimëkëmbje të shpejtë të ekonomisë shqiptare pas krizave të tërmetit dhe pandemisë.

Share.

Comments are closed.

Copyright © 2023 Struga.info | Privacy policy