Ambasadorja Yuri Kim ka reaguar pas arresimit të ish ministrit të Mjedisit, Lefter Koka.
Përmes një postimi në rrjetet sociale, Kim shkruan se veprimet e SPAK-ut, sidomos këtë javë, tregojnë se askush nuk është mbi ligjin.
“Veprimet e SPAK-ut, sidomos këtë javë, tregojnë se askush nuk është mbi ligjin. Mund të vraposh, por nuk mund t’i fshihesh më ligjit. Reforma në drejtësi po jep rezultate konkrete”, tha Kim.
Advertisement
Ish-ministri i LSI-së u arrestua sot rreth orës 11:30 në shtëpinë e tij në Durrës, për dosjen e inceneratorit në Elbasan.
Urdhër Arresti është kërkuar nga prokurori Klodian Braho dy ditë më parë dhe është firmosur nga gjyqtari Erion Bani, teksa ekzekutimi është bërë mesditën e kësaj të marte. Ndaj tij rëndojnë 3 akuza për veprat penale, për shpërdorim detyre, pastrim parash dhe korrupsion.
