“Arsimi nuk është prioritet i qeverisë”/ Meta takim me strukturat në Kombinat: Të rinjtë janë e ardhmja

Pinterest LinkedIn Tumblr +
“Arsimi nuk është prioritet i qeverisë”/ Meta takim me strukturat në Kombinat: Të rinjtë janë e ardhmja

Kreu i Partisë së Lirisë Ilir Meta ka zhvilluar një takim me strukturat e kësaj force politike në zonën e Kombinatit.

Gjatë takimit, Meta e vuri theksin në arsimin, për të cilën tha se nuk është prioritet i kësaj qeveria. Ai shtoi se një qeveri e cila prek buxhetin për arsimin dhe shton atë të konçesioneve, nuk ka prioritet të rinjtë e të ardhmen e tyre.

Advertisement

Rikthehem në Kombinatin shumë modest e punëtor e dinjitoz. Jam i sigurt se bashkë do të kemi një rrugëtim të suksesshëm për të përballuar sfidat për të cilat ka ardhur PL në politikë, por për të cilat është e përkushtuar jo vetëm lidershipi i kësaj force por edhe një anëtarësi e jashtëzakonshme me traditë të shkëlqyer në LSI dhe prurjet e reja që e kanë të qartë se kjo tirani e pashpirt e cila i ka varfëruar shqiptarët gjithë këto vite, kërkon të shtypë e frikësojë për të mos kërkuar të drejtat që u takojnë do të përmbyset falë triumfit të lirisë. Do ta ekzekutojmë frikën kudo përpiqen ta mbjellin. Do të rikthejmë demokracinë e rendin kushtetues e barazinë e të gjithëve para ligjit.

Do nisja me vitin e ri shkollor se janë kaq shumë fëmijë që po e presin 12 shtatorin dhe kaq shumë prindër të preokupuar që fëmijët të nisin një vit shkollor të mbarë. Kam dëgjuar shqetësimet e tyre për cilësinë e sistemit arsimor që është përkeqësuar çdo vit. 50 përqind e në rritje analfabetimi funksional në vend.

Advertisement

Sistemi ynë është më shumë teorik dhe sipërfaqësor, mungon praktika dhe laboratorët e dështon ti përgatisë nxënësit për tregun e punës. Libra të rinj falas është parrullë sepse ajo të përdorura dhe shpesh jo cilësore. Orare janë gjithashtu një problem madhor sepse shumë prindër duhet të shkojnë ti marrin fëmijët në drekë dhe ka kosto shtesë e të papërballueshme kostoja e ndihmës për t’i mbajtur fëmijët.

Sa herë qeveria prek buxhetin të parin herë është arsimi siç ndodhi edhe këtë vit dhe i pari ku shton fondet janë koncesionet. Një qeveri që nuk ka prioritet arsimin nuk ka si të ketë ë rinjtë dhe të ardhmen, Arsimi nuk duhet prekur as në kohë krize. Është pikërisht dështimi i sistemit arsimor, pse familjet largohen nga Shqipëria ku kërkojnë një mundësi më të mirë”, u shpreh Meta.

Advertisement
Share.

Comments are closed.

Copyright © 2022 Struga.info | Privacy policy