Të tjera detaje kanë dalë në dritë nga atentati i mbrëmjes së të dielës, ku u qëllua me breshëri kallashi në lokalin e Fajon Muratit, ku e vrarë mbeti punonjësja Mimoza Paja dhe u plagosën 5 të tjerë.
Vizion Plus mëson se në momentin e atentatit, në lokal kanë qenë vëllai i Fatjon Muratit dhe xhaxhai i tij, ku ky i fundit mbeti i plagosur pas të shtënave.
Hetuestit paraprakisht dyshojnë se atentati ës htë përplasje mes bandave kriminale dhe fokusi kryesor është tek grupi i Ervis Martinajt.
Dyshohet se ata kanë dashur hakmarrje për vrasjen e Brilant Martinajt. Kamerat e sigurisë nga një distancë kanë filmuar dy persona që futen brenda mjetit që dyshohet se janë pikërisht autorët e ngjarjes.
Kujtojmë që një makinë tip BMË në të cilën kishte edhe tre kallash u gjet e djegur në afërsi të Bubqit. Policia thotë se kjo makinë mund të jetë përdorur nga autorët për vrasjen në Tiranë.
Ndërsa Fatjon Murati, i cili ishte lënë në arrest shtëpie, është larguar nga vendi jonë, fillimisht në Kosovë e më pas në Turqi, pasi efektivët konstatuan dhe morën firmën se ai ndodhej në banesë ditën e djeshme.
