Taulant Balla do të kallëzojë penalisht për shpifje Sali Berishën. Kryetari i grupit parlamentare të socialistëve pretendon se nuk ekziston asnjë e vërtetë në akuzat e Partisë Demokratike se është i përfshirë në vrasjen e avokatit Ravik Gurra në 2019 në Elbasan.
Në atë kohë ai ishte drejtuesi politik i këtij qarku.
TAULANT BALLA
KRYETAR I GRUPIT PARLAMENTAR PS
AdvertisementUnë jam i sigurt se s’ka asnjë gjë, është zero çështje. Unë kam besim se drejtësia do t’i shkojë deri në fund, se kush ka përgjuar, se kë ka përgjuar, sesi është përgjuar, sesi kjo çështje u kthye pas gjashtë vitesh për konsum politik.
Po fjalën e fundit ia la drejtësisë edhe për Arben Ahmetaj. Pas publikimit të disa e-mail-eve, ku dyshohet se shpenzimet për ish numrin dy të qeverisë në disa hotele të Evropës janë paguar nga Mirel Mërtiri, një prej të kërkuarve nga drejtësia për çështjen e inceneratoreve, Balla tha se te drejtësia nuk duhet të ndërhyjë.
TAULANT BALLA
KRYETAR I GRUPIT PARLAMENTAR PS
AdvertisementLe të lejmë drejtësinë të bëjë punën e vet. Çdo ndërhyrje, kushdo qoftë nuk i bën mirë drejtësisë.
