Basha akuzon Ramën: Po nervozohet nga hetimet për inceneratorët, Prokuroria të bëjë punën

Lulzim Basha akuzon Ramën dhe Partinë Socialistë se po bëjnë gjithcka sipas tij për t’i ikur drejtësisë.

Sipas kryedemokratit, Rama dhe PS përpiqen ta pengojnë dhe të largojnë vëmendjen nga puna e madhe që ka kryer Jorida Tabaku me Komisionin Hetimor për inceneratorët.

Ne nuk do të tërhiqemi, por do të vazhdojmë të vendosur punën për të zbuluar gjithçka, deri në fund.

Shqiptarët e dinë që qeveria ka shumë për të fshehur, dhe që ky komision po i zbulon dita ditës se si ata kanë vjedhur 430 milionë euro.

Basha shtoi se PD inkurajon prokurorët të bëjnë punën e tyre ndërsa i bën thirrje Ramës dhe PS që të mos nervozohen, ndonëse, sipas tij, duket qartë se pse kanë gjithë arsyet e botës për t’u frikësuar.