Detaje të reja kanë dalë nga operacioni “Tempull 3”, ku u arrestuan 19 persona.
Sipas një njoftimi zyrtar, bëhet me dije se mes tyre është arrestuar dhe shoferi i Shërbimeve Mbështetëse në KLSH.
19 të arrestuarit akuzohen për veprën penale “Prodhimi dhe shitja e narkotikëve”.
“Ditën e sotme, Sektori për Hetimin e Narkotikëve në Drejtorinë Vendore të Policisë Tiranë në kuadër të fazës së dytë të megaoperacionit mbarëkombëtar “Tempulli 3”, arrestoi 19 shtetas ndaj të cilëve Gjykata e Shkallës së Parë e Juridiksionit të Përgjithshëm Tiranë kishte caktuar masën e sigurimit personal “Arrest në burg”, për veprën penale “Prodhimi dhe shitja e narkotikëve”. Ndër të arrestuarve është dhe shtetasi R. M., me detyrë shofer në Shërbimet Mbështetëse në Kontrollin e Lartë të Shtetit”, njofton policia./vizionplus.tv
