“Dorëheqja e Bashës, fakt”/ Alibeaj: PD do të ndjekë të gjitha procedurat, do të regjistrohet në zgjedhjet e 14 majit!

Pinterest LinkedIn Tumblr +
“Dorëheqja e Bashës, fakt”/ Alibeaj: PD do të ndjekë të gjitha procedurat, do të regjistrohet në zgjedhjet e 14 majit!

Kreu i grupit parlamentar të PD, Enkelejd Alibeaj ka folur pas takimit me deputetët duke thënë se do të regjistrohen në zgjedhjet e 14 majit dhe do të ndjekin procedurat e kërkuara nga KQZ.

 

Alibeaj tha se dorëheqja e Bashës është fakt publik, ndërsa thekson se sqarimet e mëtejshme do i dërgohen KQZ-së dhe kjo është çështje e zgjidhur.

 

Advertisement

“Kjo ishte mbledhje e radhës së Kryesisë e grupit parlamentar. Do të jenë më të shpeshta. Diskutimet dhe vendimet janë të fokusuara te aspekti organizativ i PD lidhur dhe në funksion të fushatës zgjedhore. Deri në datën 20 të përmbyllet procesi i miratimit të kandidaturave. Përveç kësaj janë diskutuar çështjet e organizimit, janë vendosur detyrat përkatëse që do të merren në aspektin e fushatës me organizimin dhe rifreskimin e strukturave tona. Jemi të vetëdijshëm për situatën jo aq të shëndetshme që kemi kaluar.

 

Tani që ka nisur fushata dhe është miratuar pozicioni i PD në fokusimin e zgjedhjeve të 14 majit, po kthehet në rutinën e funksionimit.

 

Advertisement

Është diskutuar edhe vendimi i KQZ. PD do të ndjekë të gjitha procedurat dhe i gjithë dokumentacioni i depozituar pranë KQZ është në përputhje të plotë me legjislacionit dhe ju komunikoj që PD do të regjistrohet, do të marrë pjesë në zgjedhje e do jetë e fokusuar te 14 maji.

 

E kemi bërë të qartë dje. Dorëheqja e Bashës është fakt publik s’ka ngelur njeri i madh apo i vogël që s’është në dijeni. Sqarimin përkatës ne do ta dërgojmë pranë KQZ, kështu që nuk ka asgjë për  t’u diskutuar apo të paqartë. Kjo është një çështje e zgjidhur”, tha Alibeaj.

Advertisement
Share.

Comments are closed.

Copyright © 2023 Struga.info | Privacy policy