Ditën e sotme, ministrja e Shëndetësisë, Ogerta Manastirliu, përmes një konference për shtyp deklaroi se ka dyshime se në vendin tonë po qarkullon mutacioni i covid, pasi ka rritje të rasteve të ditëve të fundit dhe raste riinfektimesh. Sipas saj pritet rezultati pasi mostrat janë dërguar në Berlin për verifikim.
I ftuar në Spotlight nga Aban Dudushi, në Vizion Plus, mjeku i njohur Laidon Shapo ka guxuar ta emërtojë marrëdhënien mes mutacioneve nga Covid-19 si një lojë të mafias, ku më i forti dominon të dobëtin.
“Ky virus me mutimet e tij, i ngjan një loje të mafias, prej ku një virus më i shpejtë dhe më i fortë dominon tjetrin.
Për momentin kemi dhe variantin e Afrikës së Jugut, i cili në momentin që flasim ka 147 raste të konfirmuara. Pra, pak, sepse këtu është Lockdoën, ndërkohë që variant tjetër ëshët përhapur mirë dhe kontrollon sipërfaqe të mëdha të gadishullit britanik.”
