Të shtëna me armë zjarri janë regjistruar në qytetin e Vlorës.
Policia njofton se është qëlluar ndaj një mjeti ku udhëtonin dy punonjës të Policisë.
Njëri prej tyre me detyrë punonjës i Patrullës së Përgjithshme në Komisariatin e Vlorës dhe punonjësi tjetër në Policinë Kufitare.
Nga të shtënat nuk ka të lënduar.
Vlorë/Informacion paraprak
Rreth orës 19:40, në lagjen “Partizani”, në rrethana ende të paqarta, dyshohet se nga një automjet tip “Volkswagen”, një shtetas ende i paidentifikuar, ka qëlluar me armë zjarri në drejtim të automjetit tip “Audi” me të cilin udhëtonin shtetasit A. B., me detyrë punonjës i Patrullës së Përgjithshme në Komisariatin e Policisë Vlorë dhe N. M., me detyrë punonjës i Policisë Kufitare Sarandë, të cilët nuk kanë pësuar dëmtime.
Në momentin e ngjarjes, punonjësit e Policë kanë qenë jashtë shërbimit, duke udhëtuar me automjet privat.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes, identifikimin dhe kapjen e autorit.
