“Familja Kuqezi” del jashtë shtëpisë/ Surpriza në puntatën e mbrëmjes së sotme

Pas suksesit të puntatës së parë familja më e famshme në Shqipëri, “Familja Kuqezi” vjen sërish këtë të diel me të tjera surpriza.

Ky sitcom, i cili mban autorësinë e Erion Kames dhe Saimir Gongos, me regji të Bledar Linzës, këtë herë ka dalë jashtë mureve të shtëpisë që të gjithë jemi mësuar ta shohim.

Të zhvendosur në ambientet e Bashkisë së Tiranës, aty ku do të zhvillohet dhe dinamika e të gjitha ngjarjeve të episodit të dytë anëtarët e familjes kuqezi u takuan me Kryetarin e Bashkisë Erion Veliaj.

Këtë herë ishte “Familja Kuqezi” ajo që i dorëzoi në shenjë falënderimi kryebashkiakut çelsin e familjes.

Por se çfarë e ka çuar familjen në bashki dhe se çfarë do të ndodhë aty Kuqezët ju ftojnë ti ndiqni të dielën në orën 20:30.