Policia e Korçës ka ndëshkuar me masë administrative 75 000 lekë, një 20-vjeçar, i cili kreu manovra të rrezikshme dhe pengoi qarkullimin në zonë të banuar
Gjithashtu të riut i është tërhequr leja e drejtimit.
Policia thotë se nga verifikimet rezultoi se drejtuesi i automjetit, shtetasi M. M., 20 vjeç, banues në Pogradec, ka hipur mbi kabinën e automjetit, ka kryer manovra të rrezikshme dhe ka penguar qarkullimin, në zonë të banuar, ndërkohë që manovrat me timonin i ka kryer pasagjeri.
“Për kundërvajtjet e kryera, konkretisht për shkelje të neneve 126, 139 dhe 170 të Kodit Rrugor, shtetasi M. M. u ndëshkua me masë administrative 75 000 lekë. Gjithashtu, 20-vjeçarit iu tërhoq leja e drejtimit”, thuhet në njoftim./vizionplus.tv
Advertisement
