Fluks i lartë në Portin e Durrësit/ Emigrantët kthehen për të kaluar pushimet

Pinterest LinkedIn Tumblr +
Fluks i lartë në Portin e Durrësit/ Emigrantët kthehen për të kaluar pushimet

Pavarësisht masave anti-covid të shtetit italian për udhëtimet jashtë vendit, kjo gjë duket se nuk i ka ndaluar shqiptarët që jetojnë atje, për të kaluar pushimet e verës në vend. Kjo shihet në Portin e Durrësit, me fluksin e madh dhe faktin se të gjithë tragetet po aplikojnë lundrime vajtje-ardhje nga e mërkura deri të dielën.

 

Pesë tragete pritet të mbërrijnë vetëm këtë të shtunë në Portin e Durrësit nga linja e Barit dhe Ankonës, që pritet të sjellin rreth 7,500 udhëtarë, ndërsa më i ulët ky numër është në daljet nga vendi ynë drejt brigjeve italiane.

 

Advertisement

Policia kufitare po punon me kapacitet të plotë me 20 sportele për përpunimin e pasagjerëve dhe mjeteve të tyre. Sipas të dhënave të bëra publike nga Autoriteti Portual Durrës, fundjava e parë e gushtit solli në vendin tonë 17,100 pasagjerë , mes të cilëve 8, 704 shtetas shqiptarë dhe 8, 396 të huaj. Ndërsa në dalje kjo shifër ishte disa herë me ulët, konkretisht 6, 266 pasagjerë.

 

 

Advertisement
Share.

Comments are closed.

Copyright © 2023 Struga.info | Privacy policy