Personi që shihni në foton e mësipërme është Maliq Marku , 70-vjeçari që vrau fqinjin për kanalin e ujrave të zeza.
Autori kishte vetëm një javë që ishte kthyer nga Anglia. Disa kohë më parë, vetë banorët e rrugës kanë mbledhur para për ndërtimin e kanalit të ujërave të zeza, por Maliq Marku nuk ka paguar ngaqë ka qenë jashtë dhe nuk i është dashur. Pas kthimit nga Anglia, ka shkuar tek ujësjellësi për të lidhur edhe banesën e tij me kanalin.
Ujësjellësi ka bërë piketimin, ndërsa 2 fqinjët sot i kanë thënë që nuk do ta ndërtonte. Në gjaknxehtësi e sipër ka marrë pistoletën dhe ka qëlluar. 4 plumba ka marrë viktima Shefqet Hasa, ndërsa 2 plumba, 1 në bark e 1 në këmbë i plagosuri.
Maliq Marku u arrestua në flagrancë nga policia, ndërsa iu sekuestrua edhe arma e krimit.
