I dehuri kundërshtoi dhe kanosi policinë me pistoletë imituese, kapet pas ndjekjes

Pinterest LinkedIn Tumblr +
I dehuri kundërshtoi dhe kanosi policinë me pistoletë imituese, kapet pas ndjekjes

Arrestohet një 31-vjeçar nga Kurbini pasi së bashku me vëllain e tij kanë kanosur dhe kundërshtuar forcat e rendit.

Në rrugën dytësore Milot-Mamurras, uniformat blu kanë konstatuar një drejtues mjeti që po kryente manovra të rrezikshme dhe nuk kishte vendosur rripin e sigurimit. Pasi shërbimet i kanë bërë shenjë ndalimi, drejtuesi është larguar me shpejtësi duke rrezikuar punonjësit e Policisë.

Pasi janë venë në ndjekje të tij, shërbimet e kanë konstatuar sërish në fshatin Malbardhë, Kurbin, drejtuesin e mjetit, i cili ka kundërshtuar shoqërimin, duke i drejtuar punonjësve të Policisë një armë në dukje zjarri pistoletë dhe me ndihmën e një shtetasi tjetër ka mundur të largohet.

Pas angazhimit të një numri të madh policësh, u bë e mundur arrestimi i shtetasit F. L., 31 vjeç, me precedentë të mëparshëm kriminal në fushën e armëmbajtjes pa leje, vjedhjes, kundërshtim me dhunë të punonjësit të Policisë dhe K. L.(vëllezër), banues në Kurbin.

Advertisement

Gjatë kontrollit me alkoolmatësin (drager) ka rezultuar se shtetasi F. L. drejtonte mjetin në gjendje të dehur.

Gjithashtu, nga shërbimet e Policisë u sekuestrua një pistoletë imituese, me të cilën ky shtetas dyshohet të ketë kanosur punonjësit e Policisë, si dhe 2 automjete.

Share.

Comments are closed.

Copyright © 2023 Struga.info | Privacy policy